Entrenamenduak
Sedentarismoa XXI.mendeko izurrite bilakatu den honetan, mugimenduaren eta gorputza aktibo mantentzearen garrantzia azpimarratzea ezinbestekoa da. Osasuna ongizate fisiko, mental eta sozialaren egoera erabatekoa da, ez soilik gaixotasun eza.
Mugimenduak eta ariketa fisikoak dituen onurak zenbaezinak dira, bai gorputz-osaera fisikoan eta baita arlo psikologikoari dagokionean ere. Ariketa fisikoak gorputzaren oreka lortzen laguntzen digu, organismoaren homeostasi prozesuan eraginez. Era honetan, sistema muskulu-eskeletikoa zein organismoaren metabolismoaren optimizazioa topatu nahi da.
Ekimen Zentroan, norbanakoaren ongizatea lortzea dugu helburu. Gorputzaren oreka mantentzen laguntzeaz gain, buruan dituzun erronka guztiei elkarrekin egin nahi diegu aurre. Horretarako, honako zerbitzu hauek eskaintzen ditugu:
Kirol errehabilitazioa
Lesio bat izan ondoren, errekuperazio prozesuan oso garrantzitsua da ariketa fisikoa jarraibide edo pauta egokiak jarraituz burutzea. Zinez garrantzisua da, halaber, kirol bakoitzean espezifikoak diren mugimenduei eta teknikari lotutako entrenamendu sistema zehatz bat jarraitzea. Ariketa bakoitzak, gainera, berau burutuko duen pertsonaren gaitasun fisikoari egokitua izan behar du.
Kirol errehabilitazio prozesu honetan, hasiera batean, kirol errehabilitazioan aditua den fisioterapeuta batek balorazio orokor bat egingo du, helburuak eta errekuperazio-aldia finkatu eta lagungarri suerta daitezken ariketak proposatuko ditu. Errekuperazio prozesuaren eboluzioa aztertuko du honek, eta egoki deritzonean, entrenatzailearengana bideratuko du.
Errekuperazioa eta kirolariaren errendimendu optimora bueltatzea izango dira helburuak, diziplina anitzeko taldean lan eginez.
Entrenamendu pertsonalizatuak
Banakako entrenamenduak eskaintzen ditugu, kirol bakoitzari eta norbanakoaren helburu eta nahiei egokituak.
Ekimen Zentroko entrenatzailea den Ainarak, garrantzia handia ematen dio mugimenduaren gauzatze edo exekuzio egokiari, eta beraz, entrenamendu hauetan ariketak entrenatzaile batek gainbegiratuta burutuko dituzu. Akatsak zuzentzeaz gain, hobetzeko proposamenak eman eta errendimendua optimizatzeko jarraibideak eskainiko dizkizu Ainarak.
Entrenamendu pertsonalizatuei dagokionez, bi aukera proposatzen ditugu:
* gimnasioaren erabilera librea
Gimnasioa libre dagoen bitartean, libre egongo da bertako materiala.
* TADEKAKO ENTRENAMENDU Funtzionala
4-5 pertsonek osatutako taldeak izango dira. Talde hauetan, norbanakoaren gaitasun fisikoa zein helburuak errespetatuko dira.
Entrenamendu mota ezberdinak izango dira, entrenamendu funtzionala izanik oinarria, gorputzaren egoera fisiko optimoa lortu asmoz. Kirol errendimendua hobetzeaz gain, gorputz adarren eta bizkarrezurraren oreka eta osotasuna landuko dira
* Banaka entranatzailearekin
Ainararekin, banaka, entrenamendu presentzialak.
* ASISTENTZIARIK GABEKO BANAKAKO ENTRENAMENDUAK
Ainarak prestatutako entrenamendu plan pertsonalizatua. Entrenamendu hauek burutzeko, Ekimen Zentroko gimnasiora etortzeko aukera dago, edozein ordu eta egunetan (aukeratutako tarifaren arabera), gimnasioa libre dagoenetan.
* KORRIKAKO HILABETEKO PLANAK
Entrenatzaileak hilabeteroko korrikako entrenamendu plana egingo du bakoitzaren helburu/diziplina (mendia, errepidea, atletismo pistak, etab) eta gaitasunei egokitua.
Helburu zehatz bat edota lasterketaren bat (Flysch Trail, Behobia, Kosta krosa, Uxue trail, etab.) prestatu nahi baduzu, edota urtean zehar zure korrikako gaitasuna hobetzeko entrenatu nahi baduzu, hau izan daiteke zure aukera.
Bañeru Kalea 1
20800 Zarautz
Gipuzkoa
943 53 20 12
688 75 94 98
info@ekimenzentroa.com